صورة وأرقام تختصر مفهوم الترهل الإداري في الدولة المصرية

هذه الصورة مقارنة بين أعدادا العامليين بمبني ماسبيرو وبين أعداد 3  جيوش مجتمعة
وانا هنا لا أقلل من قدر هذه الجيوش أو الدول جميع الدول لها كل التقدير والأحترام باستثناء النظام القطري الحاكم وليس الشعب او الجيش القطري

" />

كلهم طبعا شعوب عربية وجيوشها تحميها ... لكن انا بنتكلم عن العجز اللي عندنا أحنا في عدم استغلال الطاقات المهدرة .. حتي لو طاقات موظفين

أنا فاكرة من كام سنة كده كان ليا زميلة لمامتي بتشتغل هناك في ماسبيرو كانت بتخدني أحيانا هناك العب شوي وعلشان أسلم علي الممثلين بقي وكده ايامها وانا كنت طفلة وببقي مبسوطة من ده جدا وقتها كطفلة ...
لكن المضحك في الأمر أن الشيء العالق بذهني دلوقتي هوه مشهد طنط زميلة ماما هي واصدقائها من العاملين اللي كانوا بيعملوا كل حاجة ممكن تتخيلوها ليها علاقة بشغل البيت هناك من تجهيز الخضروات "بامية وكوسة ... إلخ "ده طبعا بالإضافة أكيد لان وقت العمل كله لا يتعدي من 8ونصف صباحا الي 2 ظهرا
وتفصيلا بقي كانوا عقبال ما يوصلوا ويخلصوا الاسانسير والأمضاءات والفطار يبقي الساعه بقت 9 ونص بالراحة خالص والساعه واحدة يبدا الاستعداد للمغادرة من المكاتب

..لأانهم ببساطة موظفين بياخدوا مرتباتهم في كل الأحوال سواءا كان في شغل أو لم يكن !! .. " وهنا لأ ألأوم الموظفين بل نظام العمل داخل هذه المؤسسات "

والشيء التاني اللي أذكره هوه طابور موظفين ماسبيرو أمام الاسانسير كل يوم الصبح ...مكنش بيبقي طابور طبيعي .... ده في حد ذاته إهداااار للوقت ... الطابووور ده لوحده كان بيقعد من نص ساعه لساعه

تخيلوا أيها الساده القيمة المضافة ل42000 ألف شخص لأي مؤسسة أو مصلحة او شركة أو وطن ؟؟ ... كم منهم يعمل بجد ؟؟ وكم منهم موظف لا عمل حقيقي له ؟؟

واكرر مرة اخري " وهنا لا ألوم الموظفين بل نظام العمل داخل هذه المؤسسات "

ببساطة نحتاج جميعا إلي تغيير سلوكياتنا بدءا من أنفسنا ..لكي تتغير هذه الدولة .. وأكيد طبعا بقول لنفسي أبداي بنفسك يا هانم قبل ما تنصحي الناس هههه